Menning og mannlíf

Yfirgefin hús eða eyðibýli hafa mikið aðdráttarafl, hvort sem um ræðir óheflaða fegurð eða einhverja dulúð. Í Balanum gefst tækifæri til að stíga inn í hús, sem stendur kalt og hrátt án rafmagns og rennandi vatns. Ef þú heimsækir Þingeyri í sumar skaltu endilega kíkja í listarýmið Balann þar sem fortíðin og nútíminn mætast í listinni.

Kómedíuleikhúsið er fyrsta og eina atvinnuleikhús Vestfjarða, stofnað 1997. Leikhúsið hefur sett á svið 45 leikverk sem eiga það flest sameiginlegt að tengjast sögu Vestfjarða á einn eða annan hátt.